Gratis er fint

Eg syns det er kjekt når folk flyttar ut frå der eg bur og legg frå seg ting dei ikkje lenger vil ha på ein benk, der ein kan forsyne seg av tinga om ein føler for det. I dag fant eg to Tori Amos cd'ar (har ikkje heilt bestemt meg for om eg likar ho eller ikkje, men ho har eg mogelegheita til å finne det ut), ein Maria Mena cd, Appelsinpiken av Josten Gaarder og ein film som heiter Mirrormask.

Tor Viking

Eg trur eg gjorde eit godt val når eg bestemte meg for å samle på Tor Viking serviset frå Figgjo sidan eg, og systra mi, stadig vekk finn delar til det. Dagens fangst vart to serverings fat funne på Fretex. (Og du dama som såg ut som du hadde tenkt å sjå litt nærare på fata, beklager, eg er loppemarkedfrekk når eg er på fretex og ser noko som eg MÅ ha.)

Sålangt i Tov Vikingsamlinga mi har eg eit stort rundt fat, 16 delar, ein asjett, og ein mugge og eit serverings fat som systra mi har funne til meg + ein kopp og eit fat. Kan nesten snart ha koldtbord når ein har så mange serveringsfat...

Sekskantar

For tida nyt eg det fine været, les bøker og heklar sekskantar. Har fortsatt ein del finull og pt2 restar som eg ikkje blir kvitt og sidan det er så greit å hekle små ruter har eg byrja på det igjen, sjølv om det blir frykteleg mange trådar å feste.

Dagens lille loppe

På fretex fant eg meg i dag ein liten boks som passar perfekt til å ha søte band i.

Riga

Kom tilbake får Riga i natt. Har hatt ein veldig fin tur med fint byvær, sol, men ikkje for varmt. Det vart masse gåing fram og tilbake over så å seie heile byen i løp av dei fire dagane vi var det.

Når eg og søstra mi var i Riga var det helligdagar for lativerane som skulle feiere st. hans, eller Ligo som dei feirar. Ein god del var stengt på grunn av denne feiringa sidan mange skulle ut på landet å feire. Det gjorde i grunnen ingen ting sidan vi fekk byen så og sei for oss sjølv, verkar det som. Var lite folk i byen og rolig, deileg å få lov å gå rundt aleine og sleppe å trykke opp i folk.

Vi var på eit par museeum; pulvertårnet, friluftsmuseeumet og latvias nasjonale historiske museum. Nokre litt betre tilrettelagt for engelskspråklege turistar enn andre. Men masse fint å sjå var det uansett. Var også og såg masse fine jugendstil hus, gamle byen (så klart), var på eit digert marked der ein kunne kjøpe alt frå frukt og grønt til undertøy og elektronikk, stod på rulleskøyrer, rodde i ein kanal, var på kino, shoppa litt og gjekk som sagt masse rundt i byen og spiste god mat.

Frå venstre: rigas ortodokse katedral, ane som ror båt og eit jugendstil hus.

Makrame

Etter litt innspirasjon frå ei i klassa mi vart det kjøpt inn perler og hamp til makramesmykkelaging i går. Med litt knoting vart det smykke som ligg nærast på bilete med hamp og raud/orange perler skapt. Oppskriftslesing er ikkje mi sterkaste side så måtte lese meget sakte for så å prøve og feile litt før eg fekk det til utan rare klumpar på undersida. Når eg først var i gang kjøpe eg med hyssing på rema 1000 også som eg har brukt på smykke som er bakerst med raudeperler. Må sei det er mykje betre å knyte med den hyssingen (og den er billigare enn hampen som er på tilbud på panduro no). Er ikkje den som er flinkast til å bruke smykke, men eg trur det er litt meir håp sidan slike smykke som det her ikkje er så stivpynta. Og no som det er sumar passar dei jo ekstra godt, og har allereie klart å bruke det eine i dag.

Snart sumarferie

Snart har eg sumarferie, eller eg har vel kanskje det akkurat no sidan eg har skreve ut praksisrapporten min som skal leverast på mandag. Det som står igjen er å knote saman eit refleksjonsnotat... Noko som ikkje børr ta så lang tid.

Har i dag klipt av meg hockyen min, noko som byrja å bli på tide når eg fekk håret opp i ein eller anna form for hestehale. Sumarsveisen er med andre ord klar, noko som passar når eg driv og les meg opp om Riga, som eg skal reise på tur til om ikkje så alt for lenge. Gledar meg til å reise på tur. Riga virkar som ein interessant by der det er mykje forskjellig å sjå.

Bilete av gamle byen i Riga.

Dr Munks popleksikon

Dr Munks popleksikon er eit meget subjektivt popleksikon skreve av Ragnar Hovland. I denne boka får ein eit innblikk i forfattarens platesamling, som ikkje akkurat er lita, virkar det som. Må seie det at det virkar som eg og Ragnar Hovland har lik musikksmak (om ein ser vekk frå all blues, r&b og soulen han skriv om). Dette er vel ein av grunnanen for at eg syns det var interessant å lese boka. Er ikkje akkurat så kjekt å lese om ein heil haug med band ein aldri har høyrt om, eller ikkje interesserar seg for. Kan ikkje akkurat sei at eg har høyrt om alt han skriv om i boka, men når det er såpass stor anndel av det han skriv om som eg kjenner til har eg slukt boka på eit par dagar no.

Bilete frå samlaget.

Noko av det første eg byrja å irritere meg over i denne boka her et at bileta av platecovera som er brukt i boka ikkje stemmer overeins med teksten. Eit platecover kan være mange sider før/etter det avsnittet som er skreve om artisten. Forstår ikkje heilt kvifor at det ikkje skulle være mogeleg å få til.

Ein annan ting som har irritert meg er at det virkar som Ragnar Hovland er kjøpt og betalt av landsforeninga for best of cd'ar. Er ikkje måte på kor mange slike album han anbefalar. Har eit par best of cd'ar sjølv, men om eg skulle ha skreve eit subjektivt popleksikon trur eg ikkje at det er dei artistane eg berre har best of eg ville ha vektlagt. Men det hender at det er på akkurat desse innførslane at Hovland har noko utfyllande og skrive, og da må han vel få lov til det.

Hovland sit inne med mykje informasjon om dei ulike banda som er skreve om i boka. Han har ofte artige historier å fortelle om kvifor han har skaffa seg dei enkelte albuma, noko som gjorde at eg syns det vart kjekt å lese. Eg veit ikkje om den boka her er til så stor interesse for andre folk enn slike som meg som er litt over gjennomsnitteleg interessert i musikk. Er vel ikkje alle som syns det er kjekt å lese om kven som var med i det og det bande for så å starte eit nytt band. Så ein kan godt sei at boka er for spesielt interesserte.

Reste sjal

No har restane etter oldemorsteppet mitt blitt til eit sjal. Er veldig glad i det andre hekla sjalet mitt, så eit sjal til i litt andre fargar skal eg nok klare å bruke. Kanskje litt feil årstid akkurat no, men til lange sumarkveldar er det sikkert godt å ha eit sjal.

Sumar kjensle

Melon er jammen med godt. Får skikkeleg sumar kjensle av det, sjølv om være ikkje akkurat er strålande sol, men heller stygge svarte skyer som truar om regn i dag. Har for tida praksis så det blir ikkje gjort så veldig masse spennande handarbeid. Kveldane har gått med på å sjå Gossip girls den siste veka. Ikke så veldig avansert tidsfordriv, men når eg først byrjar å sjå noko slikt er det vanskeleg å slutte når ein har tilgangen på resten. Alt ein kan finne på biblioteket altså. Skal bli deileg med ein dag fri i dag, som mest sannsynleg blir brukt til å vaske kle, hybel og bake brød.